क्यानडामा आमाबुवालाई बोलाउने सुवर्ण अवसर – जनवरी २८
क्यानडाका आप्रवास, नागरिक, शरणार्थी व्यवस्थापन मन्त्री माननीय अहमेद हुँसैनले क्यानडाका नागरिक तथा स्थाई वासिन्दाहरुलाई आफ्ना बुवामुवा वा हजुरबुवाहजुरमुवा ( पिजिपी कार्यक्रमलाई अझ सरल बनाएको घोषणा गरेका छन् । यस कार्यक्रम अन्तर्गत आफ्ना बुवामुवा वा हजुरबुवाहजुरमुवालाई क्यानडामा स्थाई रुपमा बोलाएर राख्न चाहनेहरुले यही जनवरी २८को मध्यरातदेखि अनलाईन निवेदन गर्न सकिने व्यवस्था खुल्ने जानकारी गराउनु भएको छ । सरकारले आफ्ना नागरिकहरुलाई सर्वसुलभ तरिकाबाट प्रियजन बुवामुवा वा हजुरबुवाहजुरमुवालाई बोलाउन र चाडो प्रक्रियाबाट स्थाई वासिन्दा (पि.आर.) को अधिकार प्रदान गर्न यो विद्युतीय प्रक्रिया शुरु गरेको छ । २०१९ को यो पिजिपी कार्यक्रमबाट सरकारले स्वस्च्छ प्रतिष्प्रधा हुने विश्वास लिएको छ ।
प्रारम्भमा ईच्छुक निवेदकले अन लाईन निवेदन भर्नु पर्ने हुन्छ र त्यसपछि प्राप्त निवेदनबाट २० हजार निवेदकलाई अन्य आवश्यक फारमहरु भर्न तथा अन्य प्रक्रिया पुरा गर्न गराउन पत्राचार गरिने छ । प्राप्त निवेदनबाट स्पोन्सर गर्ने व्यक्तीका बारेमा खोज र सोधपुछ गरेर कुनै प्रकारको नक्कली प्रक्रियाका बारेमा अनुसन्धान गरिने छ । निवेदनपछि स्पोन्सरको आय स्रोत र वार्षिक आयका बारेमा बुझबुजारथ गरेर सबै प्रक्रिया सही भएपछि पिजिपी कार्यक्रम अन्तर्गत स्पोन्सर कारवाही शुरु हुन्छ ।
सरकारले वार्षिक २० हजार बुवामुवा वा हजुरबुवाहजुरमुवालाई स्पोन्सर गरेर आफुसँगै राख्न मिल्ने व्यवस्था बनाएको छ । यो संख्या २०१५ भन्दा तीन गुण बढी छ भने पहिला निवेदन दिएको ७–८ वर्ष कुर्नु पथ्र्यो भने यस प्रक्रिया अन्तर्गत २ वर्षमा आफन्तजनसँग भेट्न सकिन्छ । सरकारले क्यानडाका बासिन्दा र नागरिकहरुलाई उनहिरुको बुवामुवा वा हजुरबुवाहजुरमुवालाई आफैसँग राख्न सक्ने र आफु सरहको सेवा सुविधा दिलाउन सक्ने व्यवस्थाका लागि यो कार्यक्रम शुरु गरेको हो । यस कार्यक्रमबाट आफन्तजनलाई सजिलै बोलाउन सकिने विश्वास सरकारले लिएको छ । यसका लागि क्यानडा सरकारको आधिकारिक वेभ साईट www.canada.ca ब मा गएर फारम भरेर पठाउन सकिन्छ ।
