आफ्नो कुरा -५७
पहिलो कुरा खबर सम्प्रेषणलाई अब वेभ साईटमा पनि राखिएको छ र कुनै महत्वपूर्ण समाचार वा सूचना भएको खण्डमा नियमित राखिने र नियमित अपडेट गरिदै लैजाने लक्ष्य राखिएको छ ।
दोस्रो कुरा गैरआवासीय नेपाली संस्था, क्यानाडाको चौंथो वार्षिक सभा आउदो जुलाई ३०, ३१ र अगस्तको १ तारिखका दिन अटवामा हुदैछ । यस सभाले नया कार्यकारिणी चयन गर्ने छ र यसका लागि नया“ सदस्य बन्न तथा सदस्यता नवीकरण गर्न गैरआवासीय नेपाली संस्था, क्यानाडाले जानकारीसंगै आफ्नो वेभ साईटमा पनि सदस्य बन्न चाहनेहरुका लागि फारमसंगै प्रक्रियाका बारेमा जानकारी राखिदिएको छ । नया कार्यकारिणीका लागि हुने चुनावमा विगत जस्तै यस पटक क्यानाडावासीमा त्यति उत्साह देखिएको छैन । यसका वर्तमान कार्यकारिणी सदस्यहरु आफ्नो संस्थाको वार्षिक सम्मेलनका लागि लागिपर्ने बेलामा पनि शिथिल भएको देखिएका छन् । गैरआवासीय नेपाली संस्था, क्यानाडा सम्मेलन भनेका यहाका नेपालीहरुको सम्मेलन भनेर बुझनु जरुरी छ । यहा अवस्थित संस्थाहरुको सम्मेलन भनेर बुझनु जरुरी छ र यसमा हामी सबैको सहभागिताको खाचो रहन्छ । यसले के गर्यो भन्दा पनि यसले के गर्ने छ भन्नेतिर सोच्नु पर्छ । त्यसैले यसको सदस्य भएर हाम्रो संख्यात्कम विकास र विस्तार गर्नु हामी सबैको कर्तब्य पनि हुन आउछ । विशाल टोरोन्टोको एउटा संस्थाले भने ३१ जुलाईका दिन आफ्नो वार्षिक पिकनिक कार्यक्रम राखिदिएको छ । एनआरएन क्यानाडाको यस सम्मेलनमा ३१ जुलाईका दिन नया“ कार्यकारिणीको चुनाव हुने दिन हो र यस दिन संस्थागत उपस्थिति रहेर बलियो पदाधिकारी रोज्नु पर्ने हो तर यसै दिन नेपाली समुदायहरुलाई कता जाउ भन्ने द्विविधामा पारी दिएर दिनभरीको सिकार र काञ्छा बाउको अनुहार भन्ने उखानमा समुदायलाई नै अल्मलाई दिएको छ ।
